Yma yng Nghynllun Cynorthwyo Gwaed Heintiedig Cymru, rydym ni’n cydnabod y gall eich anghenion fel aelod o’r gwasanaeth fynd y tu hwnt i gymorth ariannol. O’r herwydd, bydd eich ymgynghorydd sydd wedi ei hyfforddi’n arbennig yn gallu’ch helpu mewn nifer o feysydd pwysig, lle nad ydych chi o bosibl wedi cael cymorth o’r blaen.

Mae’r gwasanaeth holistaidd yr ydym ni’n ei gynnig yn bwrpasol ichi a’ch teulu. Gall gynnwys atgyfeiriadau a chyfeirio pobl at ddarparwyr eraill a argymhellir – ond y peth pwysicaf yw ei fod wedi ei ddylunio i ddiwallu eich anghenion chi. Er nad yw’r rhestr isod yn gynhwysfawr, dyma restr o’r gwasanaethau y gallwn ni eu cynnig ichi. Cysylltwch â ni i drafod hyn ymhellach (link to internal contact)

  • Cymorth gyda materion ymarferol megis gwneud cais am fathodyn parcio (Bathodyn Glas), teithio am ddim ar fysiau a gostyngiadau, ynghyd â chymorth gyda chostau angladd os ydych chi’n ennill incwm isel.
  • Cymorth gyda chwblhau ffurflenni, gwaith papur a cheisiadau
  • Dod o hyd i wasanaethau iechyd, megis cymorth gydag anghenion gofal ychwanegol a chludiant gofal iechyd
  • Atgyfeiriadau ar gyfer cefnogaeth emosiynol, cyngor am grwpiau cymorth a defnyddio’ch gwasanaethau lleol

 

Cymorth i Ffrindiau a’r Teulu

Rydym ni’n cydnabod bod eich iechyd nid yn unig yn effeithio arnoch chi, ond ei fod hefyd yn effeithio’n fawr ar y rhai sy’n gofalu amdanoch chi a’r rhai sy’n agos atoch chi. O’r herwydd, bydd eich ymgynghorydd o Gynllun Cynorthwyo Gwaed Heintiedig Cymru yn gallu gwirio amgylchiadau’ch gofalwr neu deulu agos a’u hawl i fudd-daliadau a allai wella’ch sefyllfa ariannol yn gyffredinol, ynghyd ag unrhyw ofynion ychwanegol am gymorth.


Cymorth Allanol

Mae nifer o ddarparwyr sy’n gallu cynnig cymorth arbenigol, ac efallai eich bod eisoes yn eu defnyddio. Dewch o hyd iddynt isod.

Budd-daliadau
  • I gael canllaw cyfredol ar hawlio Taliad Annibyniaeth Personol i’r rhai sydd wedi’u heintio ag anhwylder gwaedu, ewch i dudalen budd-daliadau Haemophilia Society UK
  • Os ydych dros oedran Pensiwn y Wladwriaeth, gallwch gysylltu ag Age UK i gael cyngor ar arian a budd-daliadau. Ffoniwch linell gymorth Age UK: 0800 169 6565 neu ewch i’r wefan
  • Cyngor ar Bopeth; mae Cyngor ar Bopeth yn cynnig cyngor cyfrinachol, diduedd ac annibynnol, yn rhad ac am ddim, ar ddyledion, drwy ei wasanaeth gwesgwrsio, dros y ffôn ac yn bersonol.
Arian
  • Mae’r Gwasanaeth Cynghori Ariannol yn cynnig cyngor cynhwysfawr diduedd, yn rhad ac am ddim, ar arian. Gallwch gael atynt ar-lein yma neu dros y ffôn ar 0800 138 7777
  • Mae Which yn rhoi cyngor cyffredinol ar arian drwy ei wefan, ei gylchgrawn, ei linell gymorth ar arian a’i wasanaeth cyfreithiol.
  • Mae’r Gwasanaeth Cynghori ar Bensiynau yn rhoi arweiniad am ddim ar bob mater yn ymwneud â phensiynau. Hefyd, mae’n helpu gyda phroblemau, cwynion neu anghydfodau posibl sydd gennych gyda’ch gweithle neu’ch trefniant pensiwn preifat. Mae arbenigwyr ar bensiynau yn ateb ei linell gymorth (0300 1231047).
Dyledion
  • Elusen ar ddyledion, StepChange; mae StepChange Debt Remedy yn rhoi cyngor arbenigol, cymorth â chyllideb ac atebion i’ch helpu i reoli eich dyledion.
  • Y Llinell Ddyled Genedlaethol; mae’r Llinell Ddyled Genedlaethol yn cynnig cyngor ar-lein am ddim ar ddyledion trwy ei adnodd ‘My Money Steps’ a’i ganllawiau, taflenni ffeithiau a llythyron enghreifftiol ar y we.
  • Cyngor ar Bopeth; mae Cyngor ar Bopeth yn cynnig cyngor cyfrinachol, diduedd ac annibynnol, yn rhad ac am ddim, ar ddyledion, drwy ei wasanaeth gwesgwrsio, dros y ffôn ac yn bersonol.
Cymorth
  • Haemophilia UK yw unig elusen y Deyrnas Unedig gyfan ar gyfer pawb sydd wedi’u heffeithio gan anhwylder gwaedu: mae’n gymuned o aelodau, cefnogwyr a gweithwyr gofal iechyd proffesiynol.
  • Mae Haemophilia Wales yn rhoi gwybodaeth, cymorth ac eiriolaeth i bawb sydd â Haemoffilia, clefyd Von Willebrands ac anhwylderau gwaedu eraill, gan gynnwys eu teuluoedd a’u gofalwyr.
Iechyd (Y Canolfannau Haemoffilia agosaf)
  • Y Fenni
    Ysbyty Nevill Hall
    Brecon Road
    Y Fenni
    Sir Fynwy
    NP7 7EG
    Ffôn; 01873 732 372
    Mewn argyfwng / Tu allan i oriau; 01873 732 732 – Gofynnwch am yr haematolegydd ar ddyletswydd
  • Bangor
    Uned Alaw
    Ysbyty Gwynedd
    Penrhosgarnedd
    Bangor
    Gogledd Cymru
    LL57 2PW
    Ffôn; 01248 384 008
    Mewn argyfwng / Tu allan i oriau; 01248 384 384 – Gofynnwch am yr haematolegydd ar ddyletswydd
  • Caerdydd
    Canolfan Gofal Cynhwysfawr Arthur Bloom
    Ysbyty Athrofaol Cymru
    Parc y Mynydd Bychan
    Caerdydd
    CF14 4XW
    Ffôn; 02920 743 403
    Mewn argyfwng / Tu allan i oriau; 02920 747 747 – Gofynnwch am yr Haematolegydd Ymgynghorol ar ddyletswydd
  • Abertawe
    Canolfan Haemoffilia Abertawe
    Ysbyty Singleton
    Sgeti
    Abertawe
    SA2 8QA
    Ffôn; 01792 200 368
    Mewn argyfwng / Tu allan i oriau; Oedolion: 01792 285 332, Ward 12 Paediatrig: 01792 702 222 est. 5678
Grantiau

I chwilio cronfa ddata o bob ffynhonnell bosibl arall o gymorth gallech chi fod yn gymwys i’w cael, defnyddiwch yr adnodd ar-lein ar gyfer chwilio am grantiau, Turn2us.

Teithio

Os ydych chi’n teithio, gallai’r rhestr fyd-eang o ganolfannau triniaeth fod yn ddefnyddiol i chi ar gyfer cynllunio cyn eich taith. Mae ar gael ar wefan y World Federation of Hemophilia

Yswiriant

Os oes angen help arnoch gydag yswiriant bywyd, cliciwch y ddolen isod i gael canllaw defnyddiol.

https://www.abi.org.uk/globalassets/sitecore/files/documents/publications/public/2016/hiv-and-insurance/hiv-and-insurance-guide.pdf

I gael help gydag Yswiriant teithio, cliciwch yr isod ar gyfer darparwyr arbenigol.

https://www.moneyhelper.org.uk/en/everyday-money/insurance/travel-insurance-directory